لو فى الامتحانات والبنت حاولت تفكر انها تقول ياغش تبص تلاقى الف مين عاوز يساعد وتلاقى الولاد ما يصدقوا كله يرفعلها كراسه الاجابه وبعد ماتخلص يقولها حاجه تانى يا آنسه ويبقى شعارهم ايد لوحدها متسقفش ولازم نساعد بعض لو ولد بقى فكر انه يغش تلاقى اللى جنبه بيزغرله كانه ياعبنى قاتل ابوه ولو حاول يطلع لفوق بعنيه يبص على ورقه اللى جنبه تلاقى اللى جنبه اتكلفت على الورقه زى التعبان عشان ميشوفش حاجه متقولش اللى جنبه ده واحد اسرائيلى ويبقى شعاره الغش حرام ومن غشنا فليس منا وفى الاخر يقولك البنات بتنجح اكتر من الولاد
لو راكب اتوبيس وبنت دخلت وملقيتش مكان اتفرج على اللى هيحصل يا سلام عصر صلاح الدين الايوبى يرجع وكل واحد يعمل فيها ابو عرام والفارس النبيل والشهامه تبقى مش عارفه تروح فين واتفضلى يا آنسه اقعدى مكانى والتانى يقوله واللهى ماهى قاعده الا هنا هو ينفع انتى تقفى واحنا قاعدين امال فين الشهامه والرجوله والمرؤه
لو راجل دخل بقى لو حتى عيان وعجوز ومش قادر ياسلام عصر جنكيز خان يرجع والتكشيره تترسم على وشوشهم وتلاقى كل الركاب يبصوا من الشباك اللى عامل نفسه بيشم شويه هواء واللى كأنه بيتفرج على المحلات وكله يعمل عبيط عشان عنيهم متجيش فى عين الراجل اللى ياعينى يصعب على الكافر ورجله اتخدلت من الوقفه وقرب يعيط
لو بنت سقطت آخر السنه وعيطت شويه امها تقولها معلش يا حبيتبى خيرها فى غيرها والسنه الجايه شدى حيلك انتى هتقطعى نفسك عشان سقطتى سنه ولا يهمك هو انتى راجل انتى هتعملى ايه يعنى بالشهاده مانتى مسيرك لبيت جوزك وانتهى الموضوع على كده بس خلاويص آه امال ايه
لو ولد سقط ياخرابى يالهوى يا خساره تعبى فيك ياخيبه املى وكسره قلبى وحسره بطنى انت اصلا ملكش تعليم انت فاشل روح شوف محمود ابن عمك اللى كل سنه يطلع من الاوائل (( ومحمود ده اصلا ساقط زيه بس بيكدب على اهله )) انت من بكره تنزل تشتغل مع الاسطى زينهم الميكانيكى انت خساره فيك اللقمه ياكلب
لو بنت فشلت فى التعليم تقعد فى البيت وتعمل شغل البيت وتقعد تستنى العريس وتغنى الحنفيه بتضحك ليه وانا واقفه اتدلع اغسل الحلل
لو ولد فشل فى التعليم ينزل يشتغل صبى ميكانيكى او يلم فلوس من تحت الرقاصه فى الكازينوهات او يبيع مناديل فى اشارات المرور اويسرح بترمس وبطاطا على الكورنيش
البنت اول ما بتتخرج بتبتدى تعيش حياتها بقى ولا جامعه ولا ارتباط ولا شغل ولا اى حاجه وحياه وحريه والنهارده فى كارفور وبكره فى سيتى ستارز وبعده فى سينما امير والحياه تبقى جوز ولوز وملبس
الولد اول ما بيتخرج يروح يستلم الشهاده يادوب لسه هيحط دماغه على المخده زى مخاليق ربنا يقولوه لا ياحلو انت ناسى انك وراك تجنيد يطلع جرى على التجنيد ويحلق ظلبطه وشويه الشعر اللى صرف عليهم دم قلبه يروحوا هدر ويقصر السوالف ويخليها فوق ودانه ازاى انا معرفش ويصحى الصبح يبص فى المرايه يلاقى واحد تانى يقول لنفسه انت مين ياد انا اول مره اشوفك
ولما يدخل الجيش يصحى الساعه 5.30 الفجر بس مش عشان يصلى لا عشان يجرى شويه فى المكان فى عز التلج ويلعب شويه ضغط ويروح يخدم الصولات والعساكر اللى اقدم منه ولو قال لا تلاقى الالم نازل يرن على ودانه اسسسسسكع ولو قال ايوه تلاقى الشتيمه شغاله هاتلى كوبايه ميه يابن الـــ اتلحلح شويه يانطع والله حرام الرجاله حالها يصعب على شارون
لو حرامى نط على البيت الاب والام يجروا يتطمنوا على البنات ومتتخضيش ياحبيبتى ده خلاص قشطنا وقشط البيت ومشى البنت بقى تقول يا مامى معقوله حرامى فى بيتنا انا منهاره هاتولى نشادر اعصابى لو حرامى نط على نفس البيت الاب بقى يجيب الصبيان قدامه ويتفتح زى الماسوره اللى ضربت امال البيت مكانش فيه رجاله ولا ايه ده مش عامل اعتبار لحد انتو كنتوا فين يا بهوات ما هو لو عارف ان البيت فيه رجاله مكانش اتجرأ ونط على بيتنا لكن انا مخلف شويه خرفان
المزاج