لو ولد خارج مع بنت واتعاكست او واحد حاول يرخم عليهم لازم يعمل فيها بقى الواد العتره والا تقول عليه ده مش راجل وساب واحد يعاكسنى تلاقيه يقولها ملكيش دعوه انتى يا حبيبتى اقفى بعيد ولو لقيتى دم بيطرطش وقطع غيار بنى آدمين بتتحدف ولا يهمك هيه تقف بعيد وهو يتشاهد فى سره ويروح وهو ايده بتترعش وقلبه بيطبل ورجه بتسكع فى بعضها ويروح يقوله فى حاجه يا كابتن واتفرج بقى عليه وهو بيكنس الاسفلت بهدومه ووشه يتخرشم من كتر الضرب ويرجع مناخيره طايره ويقولها شفتينى وانا بدشدشه !!!!!!!
فى الشتا لو ضيف جه تلاقى البنات تقعد تضايفه وتتكلم معاه وازيك يا اونكل ميزو وعامل ايه يا عمو ويسلموا على ولاده البنات وهاتك يابوس ويا احضان والولد شغال زى النحله انزل هات بيبسى روح هاتلنا علبتين سجاير روح اشترى كروت شحن ويا سلام لو هيبات فى البيت كمان تبقى كملت تلاقى البنات تقوله يا سلام يا اونكل بات معانا وانا هاخد سلمى تنام معايا دى حتى وحشانى موووت جدا طحن وتلاقى الاب جمع ولاده الصبيان وحط ايده على كتقهم كانه بيقرا الفاتحه فى دايره السنتر ويقولهم من سكات ياولاد ستين كلب لموا بعضكم كده وخدوا معاكم بطانيه ومخده واطلعوا ناموا على السطوح جنب ريكس ولاكى عشان مفيش مكان اونكل ميزو ينام فيه
لو بنت رايحه تخلص ورق فى مصلحه حكوميه الموظف يقابلها بابتسامه عمره ما ابتسمها من شهر ويقولها تحت امرك اؤمرينى ويضايفها كانها رايحه تديله جايزه
وفى الاخر يودعها بابتسامه خفيفه ويقول فعلا جنس لطيف
لو ولد رايح نفس المكان الموظف يقوله ها يارب نخلص السنه دى عايز ايه الولد يقوله اصل انا كنت رحت
عشان اعمل بطاقه وقالولى...... الموظف يهب وينط فيه انت هتحكيلى قصه حياتك ياعم انا مش فاضى لأم الرغى ده خلص ولخص وتلاقيه بيبصله بصه وهو بيكلمه كانه اتجوز مراته ياعينى و بعد ما الولد يمشى تلاقى الموظف يقول بتجيلنا منين البلاوى دى بس !!! توب علينا يارب
لو بنت خارجه مع خطيبها كل اللى بتعمله تحط الميكب وتتشيك وتقولها يا مامى انا خارجه اقابل لؤى تقولها اوكيه ياحبيتبى يالله باى امواااااااه امواااااااه
والولد وهو رايح يقابلها تلاقيه منامش من ليلتها ومجهز مطواه قرن غزال فى جيبه الشمال عشان لو اتعاكست ومخبى موس تحت لسانه وحاطط قطر فى جيبه الورانى ومربط مع اتنين صحابه انكم متطلعوش من البيت عشان لو اتخانقت وانا بره اتصل بيكم تجولى هوا ويا سلام لو معاهوش فلوس لزوم الفسحه والتاكسى يبقى كلمت ممكن يبيع اى حاجه عنده ويروح يلف على كل اصحابه يستلف منهم ويتمسكن لده شويه ويعيط لده شويه وفى الاخر محدش يديه حاجه يعمل ايه المسكين ياعينى يروح داخل المطبخ يسرق الانبوبه بتاعه البوتاجاز ويبيعها ولما يخرجوا تلاقى البنت بتضحك ومبسوطه وفرحانه وقمه الرومانسيه ومش مصدقه نفسها ومنشكحه والولد دايما شارد ومبلم ولونه مخطوف ومزبهل وتقوله مالك ياحبيبى مش معايا ليه يقولها لا والله معاكى ومتعرفش انه بيفكر فى اللى هيحصله ياولداه لما يروح واهله ميلاقوش الانبوبه مكانها
لو حصلت خناقه فى المنطقه البنت تقف فى الشباك تتفرج كانها بتتفرج على الميكنج بتاع فيلم جريمه فى الحى الهادى ولا كواليس مسلسل اضربنى والحق استخبى وتبقى مبسوطه وفرحانه وتقولك الله خناقه تعالى نتفرج وتلاقيها مظقططه واخر انشكاح الولاد بقى اتفرج يا معلم اللى يسحب سكينه ويطلع واللى يشد نبوت ويجرى واللى ياخد جنزير ويطير الاولانى يرجع والسكينه مرشوقه فى بطنه والتانى يرجع والنبوت متكسر على دماغه والتالت يرجع والجنزير معلم على قفاه
لو الحرب قامت تلاقى البنت قاعده قدام التليفزيون فاتحه قناه الجزيره وبتتفرج على اللى بيحصل وهيه بتقزقز لب وبتاكل كرانشى وتقلب على ميلودى شويه وتجيب روتانا شوبه وقدمها مج النسكافيه واخر روشنه وصهلله وماسكه المبرد وبتظبط ضوافرها الولد بقى تلاقيه شايل الآلى ولا المدفع وعمال يدور على الاسرائيلى هنا وهنا وفى الاخر يتنش رصاصه فى ودنه يصنج وواحده فى عينه يتعور وواحده فى رجله يتشل والبنت تقولك ياااااى انا مقدرش اشوف المناظر دى انا احساسى مرهف واعصابى حساسه وبيجيلى برد من المناظر دى اقلبوا المحطه دى وتلاقى الولد راجع من الحرب فاقد الذاكره ومن غير ودن وشايل رجله الشمال على كتفه ويشوف مامته يقولها امال
فين اخواتى يا بابا !!!!!!!!!!
المزاج